Pernyataan Sikap Ikatan Pelajar SASAK Nyikapin Luekne Aksi Kelompok Gangster Lek Paer Bawaq Kote Mentaram

Bismillahirrahmanirrahim.

Assalamu’alaikum warahmatullahi wabarakatuh.

Dengan menjunjung tinggi nilai-nilai adat, agame, dait kearifan lokal bangse Sasak, Ikatan Pelajar Sasak Nyampeang keprihatinan siq beleq atas luekne aksi kelompok gangster dait berbagai bentuk tindakan siq berpotensi ngeganggu keamanan, ketertiban, serta kenyamanan masyarakat Paer Bawaq Kote Mentaram akhir-akhir Niki.

Kote Mentaram adalah bagian langani Paer Sasak, ruang hidup bareng bareng siq harus dijaga kehormatan, kedamaian, dait martabatne. Sareng Sami meyakini bahwe generasi bajang Sasak bedoe tanggung jawab moral untuk ngejage gubuk gempeng, Ndekne justru menghadirkan keresahan dait ketakutan leq tengah masyarakat sasak.

Dalem falsafah kehidupan masyarakat Sasak, Ite ngenal nilai tindih, maliq, merang. Nilai Nike ngajaran kehormatan, kepatutan, rase ilaq, dait tanggung jawab dalem ngejalanin kehidupan. Awinan nike, selapuq bentuk kekerasan, intimidasi, perusakan, dait tindakan siq ngerugiang masyarakat ndekne sejalan dait jati diri & kehormatan generasi bajang Sasak.

Atas dasar keprihatinan nike, Ikatan Pelajar Sasak nyataang sikap:

  1. Mengecam selapuq bentuk aksi kekerasan dait premanisme siq telakuang isiq kelompok mbe mbe (gangster) siq ngenganggu keamanan dait ketenteraman masyarakat Sasak.
  2. Silaq ngiring selapuq generasi bajang Sasak adekne ndek terjerumus dalem kelompok atau aktivitas siq menjurus leq kekerasan, permusuhan, dait tindakan ngelanggar hukum.
  3. Mendorong aparat kepolisian dait pemerintah daerah / Dane Walikote Mentaram untuk mbait langkah preventif, persuasif, dait penegakan hukum secara profesional, adil, & proporsional.
  4. Silaq ngiring sareng sami dengan toaq, tokoh adat, tokoh agame, lembaga pendidikan, Pare pepadu dait organisasi kepemudaan untuk sareng sareng ngelakuang pembinaan dait pengawasan terhadap generasi muda.
  5. Mengimbau masyarakat adekne ndek ngelakuang tindakan main hakim sendiri, serte nyerahang selapuq persoalan tipaq pihak berwenang sesuai ketentuan hukum siq berlaku.
  6. Ngedorong penguatan ruang-ruang positif tipaq bajang, lengan pendidikan, kegiatan sosial, kebudayaan, olahraga, dait aktivitas kreatif siq ngebangun masa depan generasi bajang sasak.

Sareng sami mele negasan bahwe jari bajang Sasak ndekne tentang sai siq paling tetakutang , sai siq paling kuat, atau sai siq paling Wanen nunjukkan kekerasan. Laguq bajang Sasak adalah tentang sai siq mampu ngejage kehormatan, menghargai sesama, serte ngebeng manfaat tipaq masyarakat. Silaq menjaga kehormatan diri, keluarga, dait Paer Sasak.

Ndak sampai nama beaar dait kehormatan masyarakat Sasak tercoreng isiq tindakan segelintir orang siq ndek bertanggung jawab.

Paer Bawaq Kote Mentaram harus tetep jari paer siq aman, damai, dait bermartabat. Paer Sasak harus tejagaq langan persaudaraan, ndekne kekerasan.

Wantah sampun Niki pernyataan sikap sami sampeang sebagai bentuk kepedulian dait tanggung jawab moral Ikatan Pelajar Sasak tipaq masa depan generasi bajang dait kedamaian masyarakat sasak

Wassalamu’alaikum warahmatullahi wabarakatuh.

Karang Sukun, 31 Oktober 2026

Lalu Riki Wijaya, S.H., M.H.
Ketua

Tinggalkan Balasan

Alamat email Anda tidak akan dipublikasikan. Ruas yang wajib ditandai *